Dutiya Atītanāgata Suttaṃ (2)
Saɱyutta Nikāya:
III. Khandhā Vagga:
22: Khandhāsaɱyutta
Sutta 10
Dutiya Atītanāgata Suttaṃ (2)
Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1975 Pali Text Society Saŋyutta-Nikaya, edited by M. Leon Feer
[1] Rūpaṃ bhikkhave,||
dukkhaṃ atītānāgataṃ,||
ko pana [020] vādo paccuppannassa.|| ||
Evaṃ passaṃ bhikkhave,||
Sutavā ariyasāvako atītasmiṃ rūpasmiṃ anapekho hoti,||
anāgataṃ rūpaṃ nābhinandati,||
paccuppannassa rūpassa nibbidāya virāgāya nirodhāya paṭipanno hoti.|| ||
Vedanā dukkhā atītānāgataṃ,||
ko pana vādo paccuppannassa.|| ||
Evaṃ passaṃ bhikkhave,||
Sutavā ariyasāvako atītasmiṃ vedanasmiṃ anapekho hoti,||
anāgataṃ vedanaṃ nābhinandati.|| ||
Paccuppannassa vedanassa nibbidāya virāgāya nirodhāya paṭipanno hoti.|| ||
Saññā dukkhā atītānāgataṃ,||
ko pana vādo paccuppannassa.|| ||
Evaṃ passaṃ bhikkhave,||
Sutavā ariyasāvako atītasmiṃ saññasmiṃ anapekho hoti,||
anāgataṃ saññaṃ nābhinandati,||
paccuppannassa saññassa nibbidāya virāgāya nirodhāya paṭipanno hoti.|| ||
Saŋkhārā dukkhā atītānāgataṃ,||
ko pana vādo paccuppannassa.|| ||
Evaṃ passaṃ bhikkhave,||
Sutavā ariyasāvako atītasmiṃ saŋkhārasmiṃ anapekho hoti,||
nibbidāya virāgāya nirodhāya paṭipanno hoti.|| ||
Viññāṇaṃ dukkhaṃ atītānāgataṃ,||
ko pana vādo paccuppannassa.|| ||
Evaṃ passaṃ bhikkhave,||
Sutavā ariyasāvako atītasmiṃ viññāṇasmiṃ anapekho hoti,||
anāgataṃ viññāṇaṃ nābhinandati,||
paccuppannassa viññāṇassa nibbidāya virāgāya nirodhāya paṭipanno hotiti.|| ||
